कास्की । यशूको नाम लिँदै कोरोना भाइरसको भ्रम फैलाउने एक जना पास्टरलाई प्रहरीले पक्राउ गरेको छ कोरोनाका बिरामी निको पार्ने भन्दै भ्रम फैलाउने पास्टर पोखराबाट पक्राउ परेका हुन् ।

सोमबार राति पोखराको पावर हाउसबाट पास्टर केशवराज आचार्य पक्राउ परेको प्रहरीले जनाएको छ ।

उनले केही दिन अगाडी चर्चमा गरेको भाषण सामाजिक संजालमा भाइरल भएको थियो । मान्छेहरूलाई एकै स्थानमा भेला पारी यशूले कोरोना भाइरस निको पार्ने भन्दै भ्रम छरेका थिए ।

उनले परमेश्वरको कृपा चाइनामाथि छ भन्दै मानिसहरुलाई अलमलमा परेका थिए । पछिल्लो समय सरकारले भ्रम छर्ने सबै मानिसहरुलाई पक्राउ गरिरहेको छ ।