काठमाडौं । सरकारले अब कोरोनासम्बन्धी छुट्टै राहत कोषमा रकम जम्मा गर्न नपाउने नियम ल्याएको छ । कोरोना सम्बन्धी उच्चस्तरीय संयन्त्रको बैठकले यस्तो निर्णय गरेको हो ।

यसअघि कोष खोली सकेको भए सबै निजी कोषहरुले जम्मा भइसकेको रकम एक साता भित्र सरकारी कोषमा जम्मा गरिसक्नु पर्ने भएको छ ।

खासगरी संकटका बेला पैसा उठाउने नाममा कोष खडा गर्ने तर उठेको रकम हिनामिना गर्ने गरेको गुनासो धेरै सुनिन्छ ।

सोही कारण सरकारले केन्द्रिय कोषमात्र सक्रिय बनाउने घोषणा गरेको हो ।

सरकारले विदेशबाट मेमिडल किट तथ औषधीको अभाव हुन नदिन निजी क्षेत्रमार्फत आपूतिको व्यवस्था गर्ने निर्णय समेत गरेको छ ।

पारदर्शी ढंगले निजी क्षेत्रबाट आपूर्ति गर्ने र त्यसलाई सहजिकरणको काम भने सरकारले गर्ने अर्थ मन्त्री डा. युवराज खतिवडाले जानकारी दिए ।