काठमाडौं । देशब्यापी लकडाउन कारण अहिले सबै काम ठप्प छ । कलकारखाना बन्द भएका छन् । व्यापारिक क्षेत्र ठप्प छन् । सोहीकारण विजुलीको माग घटेको छ । लकडाउन घोषणा भएसँगै विद्युतको माग ह्वातै घटेको हो ।

बढी विद्युत् खपत गर्ने कलकारखाना, होटल, व्यापारिक भवन, कार्यालय अहिले बन्द छ । घरायसी प्रयोजनमा निकै कम मात्र विद्युत प्रयोग हुने गरेको छ ।

नेपाल विद्युत प्राधिकरणका अनुसार लकडाउन सुरु हुनुभन्दा पहिले देशभरको विद्युतको अधिकतम माग १ हजार २ सय मेगावाट हाराहारीमा थियो ।

तर, मंगलबार भने यो घटेर ९ सय ४५ मेगावाटमा सीमित छ । विद्युत् बढी खपत हुने काठमाडौंमै विद्युतको माग पनि घटेपछि घरायसी प्रयोजनपछि पनि विद्यूत बढी हुने अवस्था आएको छ ।

लकडाउनभन्दा पहिले विद्युत्को अधिकतम माग साढे तीन सय मेगावाटको हाराहारीमा रहेको उपत्यकामा माग २ सय ९० मेगावाटमा झरिसकेको छ ।

नेपाल नागरिक उड्डयन प्राधिकरणका कार्यकारी निर्देशक कुलमान घिसिङका अनुसार लकडाउनको कारण घरायसी प्रयोजनका लागि ग्याँसको अभावमा भएमा इन्डक्सन चुलो प्रयोग गर्न सकिन्छ ।

अब विजुलीको कुनै अभाव हुँदैन । घिसिङका अनुसार प्राधिकरणका कर्मचारी २४ सै घण्टा सेवामा रहेका कारण समस्या आउना साथ समाधान हुन्छ ।

विद्युतको माग घटेसँगै भारतबाट आयात हुने विद्युत्को परिमाण पनि घटाइएको छ । कुलेखानीको पावर हाउस समेत बन्द गरिएको छ ।

माग घटेसँगै प्राधिकरणले सरकारी विद्यूत गृह बन्द गरेर निजी क्षेत्रको मात्र विजुली किन्नु पर्ने अवस्था आएको बताएको छ ।