बार्सिलोना । स्पेनमा चार जना नेपालीमा कोरोनाको संक्रमण देखिएको छ । कोरोनाले सबैभन्दा बढी प्रभावित मध्ये स्पेन पनि एक मुलुक हो ।

कोरोना भाइरसको नयाँ इपिसेन्टर बनेको स्पेनमा चार नेपालीलाई कोरोना संक्रमण पुष्टी भएको संचार माध्यमले जनाएका छन् ।

स्पेनको क्याटालोनिया क्षेत्रमा बस्दै आएका नेपालीमा कोरोना पोजेटिभ देखिएको हो ।

उनीहरु अस्पतालमा छन् । बार्सिलोनास्थित साग्रादा फ्यामिलियामा बस्दै आएका एक जना नेपाली सान्पाओ अस्पतालमा उपचारका लागि भर्ना भएका छन् ।

तीनजना नेपाली हस्पितालेद क्षेत्रमा उपचारका लागि भर्ना भएको संचारमाध्यमले लेखेका छन् ।

संक्रमित नेपालीको विस्तृत विवरण खुलाइएको छैन। उनीहरु पुरुष रहेको बताइएको छ । उनीहरुको अवस्था भने सामान्य रहेको बताइएको छ । स्पेनमा चीनमा भन्दा बढी मानिसको ज्यान गइसकेको छ ।

यूरोपमा स्पेन र इटली कोरोनाबाट सबैभन्दा बढी प्रभावित छन् । स्पेनबाहेक यूइर्एमा समेत नेपालीहरु कोरोनाबाट ग्रसित छन् ।