29-May-2020 | १६ जेष्ठ २०७७, शुक्रबार

न्युयोर्कमा कोरोनाका कारण मृत्‍यु भएका अनिलको दाहसंस्कार आज

१५ चैत्र २०७६, शनिबार ०   बिचार / प्रतिक्रिया


न्यूयोर्क     

गत मंगलवार न्युयोर्क क्वीन्सस्थित एल्महर्स्ट  अस्पतालमा मृत्‍यु भएका अनिल सुब्बा (लिम्बु) को दाहसंस्कार ५ दिनपछि शनिबार हुने भएको छ । आज शनिबार लिम्बुको दाहसंस्कार हुने भएपनि स्वर्गीय लिम्बुको पार्थिव शरिरमा श्रद्धाञ्जली अर्पण गर्न परिवार तथा शुभचिन्तक शुभेक्षुकहरुको भने उपस्थिती नहुने कुरा लिम्बुका नजिकका नातेदार तथा नेपाली जनसंपर्क समिति अमेरिकाका महासचिव मुनेन्द्र नेम्वाङले बताएका छन् । दुई छोरा, एक छोरी र लिम्बुको पत्नी समेत कोरोना संक्रमित भएको कारण आफ्नै घरमा आईसोलेशनमा बसेर स्वास्थ्यलाभ गरिरहेको कारण परिवारको सदस्यहरुको समेत दाहसंस्कारमा सहभागिता नहुने भएको नेम्वाङ बताउँछन् ।  

स्वर्गीय लिम्बुको शवलाई १२ सय अमेरिकी डलर शुल्क तिरी अस्पतालबाट ग्रिनउड सेमेटरीले लिएर आउने ब्यवस्थापन गरेको छ ।  दाहसंस्कार पनि ग्रिनउड सेमेटरीले नै गर्ने जिम्मा लिएको पनि नेम्वाङले बताएका छन् ।

Loading...

फेसबुकबाट तपाईको प्रतिक्रिया

सम्बन्धित समाचार