कानूनको अनभिज्ञता क्षम्य हुँदैन।अर्थात मलाई यो कानूनको बारेमा थाहा थिएन भन्दैमा छुट पाईदैन। यो कानूनको बिश्वव्यापी सिद्धान्त हो । यस्तै खालको घटनामा एक यात्रु जिन्दगीभर “स्पिरिट एयरलाईन्स” चढ्न नपाउने भएका छन् । ति यात्रुले आफु यात्रा गरिरहेको बिमानको सौचालय भित्र चुरोट पीए पछि उनलाई सम्बन्धित बिमान कम्पनीले जीवनभरका लागि यात्रा गर्न नपाउने गरेको हो ।

सेन्ट पिटर्सबर्ग फ्लोरिडा निवासी ३० बर्षिय पेसेन्जर डेट्रोएटबाट न्यू ओर्लन्सको  फ्लाईट एनके ९८५ मार्फत गर्दै थिए । 

डेप्यूटी अफिसरलाई फ्लाईट् अटेण्डेण्टले बताए अनुसार बाटोमा उनले बाथरुममा ई-सिगरेट तानेर झोलामा धुँवा फुकेपनि फायर अलार्म बजेपछि फ्लाईट अटेण्डेण्टले उनलाई तत्काल हप्काएका थिए । 

लुईस् आर्मष्ट्रङ यू ओर्लेन्स अन्तर्राष्ट्रिय बिमानस्थलमा डेप्यूटी अफिसरले उनलाई सोधपुछ गर्दा उनले आफूलाई फ्लाईटमा चुरोट तान्न नपाईने कुरा थाहा नभएको भनि ढाँटेका थिए । तत्काल गिरफ्तार नगरेपनि उनलाई स्पिरिटले आफ्नो कम्पनीको जहाजमा जिबनभरको लागि बन्देज गरेको छ । यद्यपी अन्य यात्रुहरुले पनि उक्त ब्यक्तिले उडानमा आफैले बोकेर ल्याएको मदिरा अत्याधिक सेवन गरेको बताएका थिए । ति यात्रुको नाम भने सार्वजनिक गरिएको छैन ।

एजेन्सी