Epapers :

21-Sep-2019 | ४ आश्विन २०७६, शनिबार

पोर्चुगलले जित्यो नेसन्स लीग उपाधी

२७ जेष्ठ २०७६, सोमबार ०   बिचार / प्रतिक्रिया


काठमाडौं । पोर्चुगलले युईएफए नेसन्स लिग फुटबलको उपाधि हात पारेको छ । आइतबार राति फाइनल प्रतिस्पर्धामा बलियो प्रतिस्पर्धी
नेदरल्यान्ड्सलाई १–० गोल अन्तरले पराजित गर्दै उपाधि जितेको हो ।

पोर्चुगलले नेदरल्याण्ड्सलाई उसकै घरेलु मैदानमा हरायो । गुन्जालो गुइडेसको एक मात्र गोल पोर्चुगलको जीतका लागि पर्याप्त भयो । पहिलो हाफ गोलरहित बराबरीमा सकिएको थियो ।

बल पोजिसनमा नेदरल्याण्ड्सले पोर्चुगललाई दवावमा राखेको थियो । तर, ६० औं मिनेटमा पोर्चुगलले गोल गर्यो । गुन्जालोको गोलबाट अग्रता लिएको पोर्चुगल त्यसपछि भने रक्षात्मक रणनीतिमा देखियो ।

जसले गर्दा नेदरल्याण्ड्सलाई गोल गर्न निकै मुस्किल भयो । एक गोल नै निर्यायक बनेपछि पोर्चुगलले उपाधी हात पारेको हो ।

आफ्नो पक्षमा ४३ प्रतिशत पोजिसन रहँदासमेत पोर्चुगलले विपक्षी पोष्टमा १८ प्रहार गर्यो । त्यसमध्ये एक मात्र गोलमा परिणत भएको थियो । ५७ प्रतिशत पोजिसन सहित खेलेको नेदरल्याण्ड्सले भने पोष्टमा मात्र ४ प्रहार गरेको थियो ।

फेसबुकबाट तपाईको प्रतिक्रिया

सम्बन्धित समाचार