काठमाडौं । संयुक्त राष्ट्रसंघका महासचिव एन्टोनियो गुट्रेसले कोरोना भाइरस (कोभिड १९)लाई दोस्रो विश्वयुद्ध यताकै ठूलो चेतावनीको संज्ञा दिएका छन् ।

यस महामारीले दोस्रो विश्वयुद्धयताकै ठूलो चुनौती पेश गरेको उनको भनाई छ । कोरोनाले विश्वमा पार्ने सामाजिक तथा आर्थिक प्रभावबारे संयुक्त राष्ट्रसंघले एक प्रतिवेदन सार्वजनिक गरेको छ ।

सोहीअवसरमा महासचिव गुट्रेसले विश्व समुदायको ध्यानाकर्षण गराएका हुन् ।

कोरोना महामारीका कारण विश्वव्यापी मन्द्यीप्रक्षेपण राष्टसंघले गरेको छ । यसले अहिलेसम्मकै ठूलो आर्थिक मन्दी आउने र यसको परिणाम भयाभह हुने अनुमान उनको छ ।

राष्ट्रसंघले निम्न र मध्यमस्तरका देशलाई कोरोना भाइरसको महामारीबाट परेको मारमा सहयोग गर्न राहत कोष स्थापनाको समेत जानकारी दिएका छन् ।

यस भाइरसले समाजका सबैजसो अंगलाई आक्रमण गरेको भन्दै कोभिड–१९ कठिन परीक्षा भएको समेत उल्लेख गरको छन् । यसको समाना सबै मिलेर गर्नुपर्ने उनको भनाई छ ।

समन्वयकारी स्वास्थ्य सतर्कता अपनाएर महामारी अन्त्यका लागि भूमिका खेल्न उनले सरोकारवाला सबैसँग आग्रह गरेका छन् । कोरोनाबाट हालसम्म ४१ हजार बढी मानिसको मृत्यु भएको छ । ८ लाख ५० हजार मानिस संक्रमति छन् ।