काठमाडौं । नेपाल एयरलाइन्स आज इतिहासमै पहिलो पटक अष्ट्रेलिया पुग्दैछ । नेपालबाट साँझ २६४ यात्रु बोकेर अष्ट्रलिया उड्ने नेपाल एयरलाइन्सको जहाज ब्रिस्बेनमा जान लागेको हो ।
यसअघि यो जहाज सिड्नी जाने तयारी थियो । तर, ब्रिस्बेनमा धेरै यात्रु भएपछि गन्तब्य परिवर्तन गरिएको हो ।
अष्ट्रेलियाको आकासमा नेपाल एयरलाइन्स पहिलो पटक पुग्न लागेको हो । यसले भविश्यमा नेपाल एयरलाइन्सले सेवा बिस्तारमा समेत सहयोग पुग्नेछ ।
नेपालमा रहेका अष्ट्रेलियाका नागरिकलाई नेपालस्थित दूतावासले नेपाल एयरलाइन्स चार्टर्ड गरी स्वदेश फर्काउन लागेको हो ।
आगामी १५ दिन नेपालमा अन्तराष्ट्रिय उडान नहुने भएपछि यहाँस्थित विदेशी नागरिकलाई ति मुलुकले जहाज चार्टर्ड गरि फिर्ता लगिरहेका छन् ।
