काठमाडौं । पछिल्लो तीन दिनयता नेपालमा थप कोरोना संक्रमित नभेटिएको सरकारले बताएको छ । देशभर कूल ११ सय ३३ परिक्षण भएकोमा कूल ५ जनामा कोरोना देखिएको छ ।

तर, पछिल्लो तीन दिनयता कुनै पनि नयाँ संक्रमित नभेटिएको स्वास्थ्य तथा जनसंख्या मन्त्रालयका प्रवक्ता डा. विकास कोइरालाले जानकारी दिए ।

उनका अनुसार देशभर आइसुलेसनमा ९९ बिरामी रहेका छन् ।

५ जनामा पुष्टी भएका मध्ये पनि एक जना भने निको भएर घर फर्किसकेका छन् । सरकारले अहिले कोरोनाको परिक्षण हुने स्थान बिस्तार गरेको छ ।

यसले दायरा समेत फराकिलो भएको उनले जानकारी दिए । उनका अनुसार कोरोना संक्रमितसको नजिकमा रहेका मानिसको परिक्षण गर्ने काम ८४ प्रतिशत सम्पन्न भएको छ ।

पछिल्लो समय धनगढीमा भेटिएका संक्रमितको नजिकका आफन्तसहित कूल १२ जनाको नमुना परिक्षणका लागि पठाइएको छ । उनीहरुको रिपोर्ट आउन बाँकि रहेको छ ।