सिड्नी । अस्ट्रेलियाका प्रधानमन्त्री स्कट मरिसनले अस्ट्रेलियामा बस्न मुस्किल भए स्वदेश फर्कन आप्रबासीहरुलाई आग्रह गरेका छन् ।

खासगरी अष्ट्रेलिया आएको एक वर्ष नपुगेका विद्यार्थीलाई उक्त मुलुकमा बस्ने अप्ठेरो भएको भए आफ्नो देश फर्किने प्रबन्ध मिलाउन प्रधानमन्त्रीले सुझाव दिएका हुन् ।

एक वर्ष समय नपुगेका आप्रबासीले आफ्नो प्रवन्ध आफैले गर्न पर्ने उनले जानकारी दिए । शुक्रबार आफ्नो नियमित प्रभातकालीन सन्देशका क्रममा उनले यस्तो बताएका हुन् ।

अस्ट्रेलिया आएको एक वर्ष नपुगेका विधार्थीले आफूलाई सहयोग गर्न सक्दैनन् भने आफ्नो देश फर्किन सक्ने उनको भनाई छ ।

अर्थातः एक वर्ष सम्म विद्यार्थील आफ्नो प्रवन्ध आफै गर्नुपर्ने उनको भनाई छ । उनले आफ्नो सरकारले घोषणा गरेका सुविधा महामारीका बेला आफ्ना नागरिक तथा स्थायी बासिन्दाका लागि भएको समेत स्पष्ट पारेका छन् ।

अस्ट्रेलियामा रहेका विद्यार्थी नर्सहरुलाई भने कामको अवसर भएको उनले उल्लेख गरे ।

प्रधानमन्त्री मरिसनले अस्ट्रेलियामा भएका विदेशी पर्यटकहरुलाई पनि समस्या भएमा स्वदेश फर्किने उपयुक्त समय यही भएको उल्लेख गरे । अष्ट्रेलियामा उनको यो घोषणाको भने विरोध भइरहेको छ ।