काठमाडौं । कोरोना भाइरसको संक्रमणबाट अमेरिकामा एकै दिन १३ सय २० जनाको मृत्यु भएको छ । यो अमेरिकामा एकै दिन भएको सबैभन्दा ठूलो मानवीय क्षति हो ।

अमेरिकामा शुक्रबार मात्र ३२ हजार ८८ जनामा कोरोनाको संक्रमण देखिएको छ । यहाँ १ हजार ३ सय २० जनाको ज्यान गएको हो । यस भारइसको संक्रमणबाट ज्यान गुमाउनेको संख्या अब विश्वभर कूल ५९ हजार १ सय ३१ पुगेको छ।

शुक्रबार साँझसम्म विश्वभर कुल १० लाख ९७ हजार ९ सय ९ जनामा कोरोना संक्रमण देखिएको छ । २ लाख २५ हजार ७ सय ९६ जना निको भइसकेको छन् ।

विश्वमा एकैदिन कोरोना भाइरस संक्रमण साढे ८२ हजार भन्दा बढीमा भएको पाइएसँगै यो रोगको संक्रमण अझ तिब्र रुपमा फैलिएको देखिएको छ।

यो भाइरसबाट एकैदिन करिब ६ हजारको मृत्यु भएको छ। सबैभन्दा बढी बिरामी र मृत्यु हुनेको संख्या अमेरिकामा देखिएको हो ।

इटलीमा शुक्रबार थप ४ हजार ५ सय ८५ जनामा कोरोना भाइरस देखिएको छ। इटालीमा ७ सय ६६ जनाको कोरोनाका कारण मृत्यु भएको छ। इटलीमा संक्रमण र मृत्यु हुने दर दुबै घटेको छ ।

स्पेनमा शुक्रबार ७ हजार १ सय ३४ जनामा कोरोना भाइरसको संक्रमण देखियो । यहाँ ८ सय ५० जनाको ज्यान गएको छ ।

जर्मनीमा शुक्रबार ६ हजार ३ सय ६५ जना नयाँ संक्रमित फेला परे । जर्मनीमा शुक्रबार १ सय ६८ जनाले ज्यान गुमाएको तथ्यांक रहेको छ ।

चीनमा भने शुक्रबार ३१ जनामा कोरोनाको नयाँ संक्रमण देखिएको । ४ जनाको मृत्यु भएको छ।

फ्रान्समा ५ हजार २ सय ३३ जना नयाँ संक्रमित देखिए । त्यहाँ १ हजार १ सय २० जनाको कोरोना संक्रमणका कारण मृत्यु भएको तथ्यांक रहेको छ ।

इरानमा शुक्रबार कोरोनाका कारण १ सय ३४ जनाको मृत्यु भएको र २ हजार ७ सय १५ जना नयाँ संक्रमित थपिएको तथ्यांक आएको छ ।

बेलायतमा शुक्रबार नयाँ ४ हजार ४ सय ५० जनामा कोरोनाको संक्रमण देखिएको छ । बेलायतमा शुक्रबार ६ सय ८४ जनाको मृत्यु भएको छ।

टर्कीमा शुक्रबार कोरोना भाइरसको संक्रमणबाट ६९ जनाको मृत्यु भएको छ । यहाँ २ हजार ७ सय ८६ जनामा संक्रमित थपिएका छन् ।

स्वीट्जरल्याण्डमा ७ सय ७९ जनामा कोराना भाइरसको संक्रमण देखिएको छ। यस दिन त्यहाँ कोरोनाका कारण ५५ जनाले ज्यान गुमाएका छन्।

शुक्रबार बेल्जियमा १ हजार ४ सय २२, नेदरल्याण्ड्समा १ हजार २६, क्यानाडामा १ हजार ९२, ब्राजिलमा १ हजार १ सय ५० जनामा कारोनाको संक्रमण देखिएको छ।

सोही दिन कोरोना भाइरस संक्रमणका कारण बेल्जियममा १ सय ३२, नेदरल्याण्ड्समा १ सय ४८, क्यानडामा ३५ र ब्राजिलमा ३९ जनाको मृत्यु भएको छ। कोरोनाका कारण यूरोप र अमेरिकी मुलुक सबैभन्दा बढी प्रभावित भएका छन् ।