काठमाडौं । सरकारले लकडाउनलाई कडाइ गर्ने निर्णय गरेको छ । यसअनुसार अब एक स्थानीय तहबाट अर्को स्थानीय तहमा समेत जान नपाइने गरी निर्णय गरेको हो ।

सरकारका प्रवक्ता तथा अर्थमन्त्री डा. युवराज खतिवडाले लकडाउनलाई कडाई गर्ने निर्णय भएको जानकारी दिए ।

त्यसअनुसार प्रदेशबाट प्रदेश र स्थानीय तहबाट स्थानीय तहसम्म समेत जान नपाउने गरी निर्णय भएको छ ।

यसका साथै लकडाउनको कर्यान्वयनका लागि अब कडाईका साथ सबै तहले काम गर्ने भएका छन् ।

सरकारले आज लकडाउन लम्ब्याउने वा नलम्ब्याउने भन्नेमा भने कुनै निर्णय नगरेको अर्थमन्त्री डा. खतिवडाले जानकारी दिए ।

उनका अनुसार शनिबारको मन्त्रीपरिषद् बैठकमा अहिलेसम्मको परिस्थितिको विश्लेषण गरिएको थियो ।