29-May-2020 | १६ जेष्ठ २०७७, शुक्रबार

कोभिड–१९ प्रभावितका लागि खोलियो राहत कोष

२४ चैत्र २०७६, सोमबार ०   बिचार / प्रतिक्रिया


अमेरिका ।
कोभिड–१९ का कारण प्रभावित अमेरिकाज क्षेत्र भित्र बस्ने गैर आवासीय नेपालीलाई सहयोग गन भनी एनआरएनए अमेरिकाज क्षेत्रले राहत कोष निर्माण गरेको छ । संघका केन्द्रीय सचिव गौरी राज जोशीको संयोजकत्वमा आर्थिक संकलन परिचालन समिति बनाई क्षेत्रले राहत कोष बनाएको एनआरएनए अमेरिकाज क्षेत्रका संयोजक राजन त्रिपाठीले जानकारी दिए ।
उनका अनुसार धेरैं भन्दा धेरैं सहयोग रकम जुटाउने उद्देश्यले सचिव जोशीको नेतृत्वमा राहत कोष बनाइएको हो । आइतवार अमेरिकाज क्षेत्रको वैठक बसी कोष बनाउने निर्णय गरेको जानकारी दिदैं त्रिपाठीले अमेरिकाज क्षेत्रभित्र पर्ने अमेरिका, क्यानडा, ब्राजिल, चिलि, कोष्टारिकाका कोभिड–१९ प्रभावितलाई सहयोग गरिने बताए । बैठकले कोषमा जम्मा हुन आउने रकम परिचालन गर्दा डुब्लिकेशन हुन नदिनका लागि एनआरएनए एनसीसी मार्फत र एनसिसी नभएको ठाउँमा आवश्यक प्रबन्ध गरेर वितरण गरिने उप क्षेत्रीय संयोजक राम सी पोखरेलले जानकारी दिए ।
कोभिड १९ प्रभावितहरुको सहयोगका लागि यस अघि नैं एनआरएनए आइसिसी र एनआरएनए एनसिसीहरुले राहत कोष बनाइसकेका छन् । तर अमेरिकाज क्षेत्रीय संयोजक त्रिपाठीले आइसिसीले विश्व भर र एनसिसीहरुले राष्ट्रिय रुपमा सहयोग गर्ने भएकाले क्षेत्रीय रुपमा कोष निर्माणले कुनैं अप्ठ्यारो नपर्ने बरु वृहत ढंगले कोषमा रकम जम्मा हुँदा आगामी दिनमा आवश्यक पर्ने व्यक्तिहरुलाई सहयोग गर्न सजिलो हुने बताए ।

Loading...

फेसबुकबाट तपाईको प्रतिक्रिया

सम्बन्धित समाचार