न्युयोर्क

अमेरिकामा यती बेला कोरोनाको महामारी चलेको छ । कतिपयलाई कोरोना भाईरसको संक्रमण भै हाल्यो भने स्वास्थ बिमा नहुँदा कसरी उपचार गर्ने होला र ठुलो खर्चको ब्यबस्थापन गर्ने होला भन्ने चिन्ताले समेत सताएको छ ।तर अब स्वास्थ बिमा नहुनेले पनि कोरोना संक्रमणको उपचारको लागि चिन्ता गर्नु नपर्ने भएको छ ।स्वास्थ बिमा नभएका कोरोनाका त्यस्ता बिरामीको उपचार पछी अब ट्रम्प प्रशासनले २ खर्ब अमेरिकी डलरको इस्टिमुलस प्याकेजबाट नै स्वास्थ बिमा नभएका बिरामीको उपचार गर्दा लागेको खर्च अस्पातललाई परिपुर्ति दिने भएको हो ।उक्तकुरा हेल्थ एण्ड ह्युमन सर्भिसका सेक्रेटरी अलेक्स अजरले बताएका छँन् ।कोरोनाको उपचार पछी स्वास्थ प्रदायकले बिरामीलाई उपचारको बिल पठाउन नपाउने ब्यबस्था गरिएको समेत  सेक्रेटरी अलेक्सले बताएका छँन् ।  

बिमा नभएका कोरोना बिरामीको उपचारको लागि संघिय सरकारले २ खर्ब अमेरिकी डलरको स्टिमुलस् प्याकेज मध्येबाट १०० अर्ब अमेरिकी डलर छुट्याएको छ ।