न्युजर्सी राज्यस्थित जर्सी सिटी काउन्सिल म्यानको कोरोनाको कारण मृत्यु
Vishwanews.com
07 April, 2020न्युजर्सी
न्युजर्सी राज्यस्थित जर्सी सिटीका काउन्सिल म्यान माईकल युनको कोभिड -१९ का कारण मृत्यु भएको छ । उनको मृत्युको खबर जर्सी सिटीका मेयर स्टिब फुलोपले पुष्टि गरेका छन् । काउन्सिल म्यान युनको मृत्युमा समबेदना ब्यक्त गर्दै मेयर फुलोपले भनेका छन् “काउन्सिल म्यान माईकल युनको मृत्युले गर्दा हामी दु:खी भएका छौं । उनी बिगत ३० बर्षदेखि लगातार जर्सी सिटीको लागि वकालत गर्दै आएको कहिल्यै नथाक्ने नेता, एक सफल ब्यापारी र परिवारको अभिभाबक थिए” ।
बिगत दुई हप्तादेखि कोरोना संक्रमणबाट थलिएका काउन्सिल म्यान युन गत मार्च २४ तारिखदेखि श्वास-प्रश्वासमा समस्या भएका कारण जर्सी सिटी मेडिकल सेन्टरको आई सि युमा उपचारत थिए । सन् १९७९ मा कोरियाबाट विद्यार्थीको हैसियतमा अमेरिका आएका युन सन २०१३ मा पहिलो पटक जर्सी सिटीको काउन्सिल म्यान निर्वाचित भएका थिए भने सन २०१७ मा पुन: निर्वाचित भएका थिए ।
