04-Jul-2020 | २० असार २०७७, शनिबार

शंकर ग्रुपका मालिक कालोबजारी गर्दागर्दै पक्राउ

२६ चैत्र २०७६, बुधबार ०   बिचार / प्रतिक्रिया


काठमाडौं । संकटको समयमा केही पैसावाल मानिसले धेरै गरिब मानिसहरुको उद्धार गर्न सक्छन् ।

त्यसकारण त भनिन्छ, ‘तिमलाई भगवानले दिएको पैसा थोरै भएपनि अफ्ठयारोमा परेका मानिसका लागि प्रयोग गर, सामान्य अवस्थामा अझै धनी बन्नेछौं ।’

यो त भनाई भयो । नेपालमा भने संकटमा राज्य र जनतालाई केही मात्रामा भएपनि सहयोग गर्नु त कता हो कता उद्योगी व्यवसायी नै कालोबजारीमा लिप्त भेटिन्छन् ।

आज यसको उदाहरण प्रहरीले रंगेहात फेला परेको हो । मंगलबार ज्वरो नाप्ने थर्मल गनको कालोबजारी गरेको आरोपमा शंकर ग्रुपका मालिक सुलभ अग्रवाल प्रहरीको फन्दामा परेका छन् ।

पाँच हजार रूपैयाँ पर्ने थर्मल गन उनले १५ हजार रूपैयाँमा बिक्री गर्न खोजेका थिए । प्रहरी आफै उनको ग्राहक बनेर अग्रवाललाई समातेको हो ।

प्रहरीले उनको साथबाट ६७ थान थर्मल गन पनि बरामद गरेको छ । शंकर ग्रुपले शनिबार मात्रै चीनको ग्वान्झाओबाट सात टन स्वास्थ्य सामग्री नेपाल ल्याएको थियो ।

त्यसमध्ये ज्वरो नाप्ने थर्मल गन अग्रवालले दोब्बर बढी रकममा बिक्री गरिरहेको सूचना प्रहरीको अपराध महाशाखाले प्राप्त गरेको थियो ।

त्यसपछि प्रमाण जुटाउन प्रहरीले आफै ग्राहक बनेर उनीसँग सामान मगाएको थियो ।

उनी कीर्गिस्तानका अवैतानिक महावाणिज्य दूत समेत हुन् । उनी कूटनीतिक नियोगकै नम्बर प्लेट भएको गाडी चढेर थर्मल गन बिक्री गर्न पुगेको अवस्थामा पक्राउ परेका हुन् ।

प्रहरीले उनी पक्राउ लगत्तै निवास र कार्यालयमा खानलासी लिएको थियो । शंकर समुहको उत्पादन जगदम्बा स्टील तथा सिमेन्टसमेत थुर्पै रहेका छन् ।

Loading...

फेसबुकबाट तपाईको प्रतिक्रिया

सम्बन्धित समाचार