06-Aug-2020 | २२ श्रावण २०७७, बिहीबार

वुहानमा खुल्यो लकडाउन, रेल र एयरलाइन्स सुचारु

२६ चैत्र २०७६, बुधबार ०   बिचार / प्रतिक्रिया


वुहान । कोरोनाको उद्गमस्थल चीनको हुबेई प्रान्तको राजधानी वुहानमा लकडाउन खुलेको छ । यससँगै चीनबाट यो रोगको संक्रमण उन्मुलन भएको छ ।

बुधबारदेखि यहाँ यातायात सेवा सूचारु भएको चिनियाँ संचारमाध्यमले उल्लेख गरेका छन् । यहाँ लगातार ७६ दिन लकडाउन भयो ।

सरकारले यसबीचमा व्यापक स्वास्थ्य अभियान संचालन गरेको थियो । यो शहरले करीव ३ हजार मानिस गुमायो । तर, बुधबारबाट अवस्था सामान्य भएको छ ।

बुधबार बिहानबाटै बुहानमा बस, रेल र विमान फेरि सञ्चालनमा आए । सेवा सूचारु भएसँगै यात्रु साविकझै यात्रा गरेका थिए ।

विमान तथा रेल चल्ने भएपछि मंगलबार राति विमानस्थल तथा रेल्वे स्टेसनबाहिर मान्छेको लाइन लागेको थियो।

संचारमाध्यमहरुका अनुसार बुधबारमात्रै २७६ वटा रेल बुहानबाट छुटेका छन् । ती रेल ग्वाङडोङ, सिचुवानलगायत प्रान्तका शहरमा गएका हुन् ।

एकै दिन रेलमा ५५ हजार बढी यात्रुले यात्रा गरेका छन् । यहाँ तीव्र गतिको बुलेट ट्रेन जी ४३१ पनि बुधबारदेखि सञ्चालनमा आएको छ।

उक्त बुलेट ट्रेन बिहान ७ बजे नानिङ शहरका लागि छुटेको थियो। बुहानको अन्तर्राष्ट्रिय विमानस्थलले पनि बुधबारबाट नै संचालनमा आयो ।

यहाँ बुधबार करीव २ सय उडान अवतरण भएका छन् । एक महिना अगाडीसम्म निकै दर्दनाक रहेको बुहान अब भने सामान्य बनेको हो ।

Loading...

फेसबुकबाट तपाईको प्रतिक्रिया

सम्बन्धित समाचार