काठमाडौं । विश्व फुटबलको सर्वोच्च निकाय (फिफा)को वरियताक्रममा नेपाल साविककै स्थानमा रहन सफल भएको छ ।

बिहीबार सार्वजनिक वरियता अनुसार नेपाल १७०औँ स्थानमा रहेको छ । यसअघि पनि यसै स्थानमा थियो ।

कोरोना भाइरसका कारण विश्वभर गत महिना विश्वभर मात्र चार वटा खेल भएका थिए । त्यसकारण धेरै जसो देशको वरीयता परिवर्तन भएको छैन ।

दक्षिण एशियाली राष्ट्रमा नेपाल तेस्रो स्थानमा छ। नेपालभन्दा अगाडि भारत र माल्दिभ्स छन्। भारत १०८औँ स्थानमा रेहेको छ ।

माल्दिभ्स १५५औँ स्थानमा रहेको छ। नेपालपछि भुटान, बङ्गलादेश, श्रीलङ्का र पाकिस्तान छन् । भुटान १८९औँ स्थानमा छ ।

बङ्गलादेश १८७औँ स्थान र पाकिस्तान २००औँ स्थानमा छ । सबैभन्दा पुछारमा श्रीलङ्का २०६औँ स्थानमा रहेको छ।

वरियताको शीर्ष स्थानमा बेल्जियम छ । फ्रान्स दोस्रो स्थानमा छ। ब्राजिल तेस्रो, इङ्ल्यान्ड चौथो तथा उरुग्वे पाँचौँ स्थानमा रहेको फिफाले जनाएको छ ।