02-Jul-2020 | १८ असार २०७७, बिहीबार

भारतमा बढ्दो संक्रमण, नेपालमा जोखिम

२८ चैत्र २०७६, शुक्रबार ०   बिचार / प्रतिक्रिया


काठमाडौं । भारतमा कोरोना भाइरसको संक्रमण र मानवीय क्षति निरन्तर बढिरहेको छ ।

बिहीबार सम्मको तथ्यांक अनुसार कोभिड–१९ बाट भारतमा २ सय २७ जनाको ज्यान गइसकेको छ ।

भारतमा यस भाइरसबाट संक्रमित मानिसको संख्या ६ हजार ७ सय २५ रहेको छ । भारतमा पछिल्लो समय संक्रमित बढ्ने क्रम तिब्र रहेको छ ।

२१ दिनको लकडाउन घोषणा गरेको भारतमा लकडाउन कार्यान्वयनमा चूनौति थपिएको छ । किनकी यहाँ बहुसंख्यक मानिस अति गरिबीको चपेटामा छन् ।

निम्न वर्गिय परिवारले हरेक दिन काम गरेर पेट पाल्नु पर्ने समस्या रहेको छ । भारतमा महाराष्ट्र सबैभन्दा प्रभावित राष्ट्र हो ।

महाराष्ट्रमा अहिलेसम्म १ हजार ३ सय ६४ संक्रमित पुष्टी भइसकेको छ । यहाँ ९८ जनाको मृत्यु भएको छ ।

तामिलनाडुमा अहिलेसम्म ८ सय २४ जना मानिसमा संक्रमण भएको छ । यहाँ ८ जनाको ज्यान गएको छ ।

दिल्ली र तेलंगानामा भाइरसबाट मृत्यु हुनेको संख्या १२ रहेको छ । दिल्लीमा ७ सय २० संक्रमित फेला परेका छन् ।

तेलंगानामा संक्रमितको संख्या ४ सय ७१ रहेको छ । मध्यप्रदेशमा संक्रमितको संख्या ४ सय ११ छ । यहाँ मृत्यु हुने मानिसको संख्या ३३ पुगिसकेको छ ।

अहिलेसम्म भारतमा ६ सय २० संक्रमित निको भएर घर फर्किएका छन् ।

भारतमा संक्रमण फैलिरहँदा त्यसले नेपालमा भने जोखिम बढाएको छ । किनकी नेपालको दक्षिणी भेगमा खुला सिमाना रहेको छ ।

बोर्डरहरु सिल गरिएको भए पनि मानिसहरु अनाधिकृत रुपमा छिर्न सक्ने सम्भावना भने रहेको छ ।

सोहीकारण नेपालको केन्द्र सरकारले सशस्त्र प्रहरी बलको तैनाथी सीमा क्षेत्रमा बढाइदिएको छ ।

Loading...

फेसबुकबाट तपाईको प्रतिक्रिया

सम्बन्धित समाचार