धन लामा / कनेक्टिकट

कोरना भाइरसको कारण अहिले नेपाल  घोषित लकडाउनमा छ । यसको अर्थ आफू पनि बाँचौं र अरुलाई पनि बचाऔं हो, तथापि विभिन्न तह र तप्काका जनमानसमा यसको विविध खाले प्रभाव परेको छ । यसै प्रसंगमा सुदुर पश्चिमको बझांगबाट काठमाडौं आएर आफ्नो पेसा गरि बसेका किशोर विष्टको कथा बेग्लै छ । उनी करिव १४ वर्ष अघि उच्च शिक्षा हासिल गर्ने सिलसिलामा काठमाडौं आएका थिएँ । त्यस बेला आफ्नो कमाई नभएकोले घरबाट पैसा आउने दिन कुरेर बस्दथे । त्यो बेला अहिलेको जस्तो हात हातमा मोबाईल फोन थिएन र घरबाट महिनाको एक दिन फोन आउँथ्यो, त्यो पनि तीन चार घन्टा हिडेर सदरमुकाम चैनपुरबाट । घरबेटीको ल्याण्डलाईनमा फोन आउने भएकोले संकोच मान्दै कुरा गर्थे । कहिले काहीं घरबेटीले “कोठामा छैन” पनि भनि दिन्थ्यो । पैसा पठाएको छ भन्ने खबर पाए पछि, तीन दिनसम्ममा भाेटाहिटी रा.वा. बैंकको बाटो तताईन्थ्यो । पैसा निकाले पछि घरबेटीको भाडा, पसल रासनको उधारो तिर्न ठिक हुन्थ्यो । कुनै बेला समयमा पैसा नआएमा चामल सकिएर भोकै बसेको, कुनै दिन ग्याँस सकिएर चाउचाउ चिउरा खाएर सुतेको सम्झना अझै ताजा नै रहेको सुनाउँछन् । ‘आर्थिक अभाव हुँदाको छटपटी र खाना बिना भोकै सुत्नुको पिडा कसैलाई नपरोस्’ भन्छन् । अहिले कोरोना महामारीको कारण रोजिरोटीको लागि दैनिक मेहेनत गरेर गुजारा चलाउने वर्गका मानिसहरुको पीडाले उनलाई पोल्यो । उनी थप्छन् “काठमाडौंमा संघर्षको समयमा सितापाइलामा बस्थें र डल्लुबाट चामल काँधमा बोकेर लान्थें । मेरो अभिभावक धन बहादुर सिंह काकाले पसलबाट उधारो निकालेर दिनु हुन्थ्यो” त्यही समयमा उनलाई लाग्यो कि कसैले पनि खानाको अभाव भोग्नु नपरोस् । सोही कारणले उनले यो लकडाउनको समयमा थलारा गाउँपालिका स्थायी घर भई हाल उच्च शिक्षा हासिल गर्न र लोकसेवाको तयारी कक्षा लिनको लागि काठमाडौं बस्दै गरेका भाइ बहिनीहरुलाई केही समस्या भएमा खबर गर्न भनेका भनेका छन् । केही भाइबहिनीहरुले चामल सकियो घरबाट पैसा आएको छैन र बैंकहरु बन्द छन भन्ने जानकारी गराएपछि किर्तिपुरसम्म गएर ती भाईहरुलाई सहयोग गरेका छन् । जस अन्तर्गत थलारा गाउँपालिका – ७ का रोहित उपाध्याय, थलारा गाउँपालिका -९ का रोसन उपाध्याय, उमेश जोशी, सुरेन्द्र विष्ट, विवेक विष्ट,सुरज विष्ट, भेष विष्ट र जयराज भण्डारीलाई सहयोग गरेका हुन् । 

जुन उदेश्यले विद्यार्थीहरु काठमाडौं आउनु भएको हो,त्यो पूरा हुन जरुरी छ । साथै बिष्टले थप सहयोग उपलब्ध गराउनु भएकोमा बझांग जिल्ला घर भई हाल संयुक्त राज्य अमेरिकाको कनेक्टिकट राज्यमा बसोबास गरिरहनु भएका काका धन बहादुर सिंहलाई महान कार्यको लागि धन्यवाद दिएका छन् । साथै थलारा गाऊँपालिकाका काेही विद्यार्थी भाइबहिनीहरू लकडाउनकाे कारणले काठमाडौंमा रोकिएर आवश्यक खाद्यान्न किन्नलाई समस्या भएमा उनलाई ९८४३२८९५९० मा सम्पर्क गर्न समेत भनेका छन् ।