काठमाडौं । श्रीलकाले नेपालबाट ७६ जना आफ्ना विद्यार्थीलाई स्वदेश फर्काएको छ । शुक्रबार उक्त मुलुकको राष्ट्रिय ध्वजाबाहक जहाज काठमाडौं आएको थियो । श्रीलंकन एयरले अपरान्ह १२ बजे कोलम्बाका लागि उडान भरेको हो ।

श्रीलंकाले केही दिन यता भारत, पाकिस्तान र श्रीलंकाबाट आफ्ना नागरिकलाई धमाधम फिर्ता लगिरहेको छ । नेपालमा अन्तराष्ट्रिय व्यवसायिक उडान बन्द भएपछि यहाँ फसेका नागरिकलाई देशहरुले चार्टर्ड उडानबाट फिर्ता लगिरहेका छन् ।

यसअघि अमेरिका, यूरोप, तथा अष्ट्रेलियाले यहाँबाट नागरिकहरु फिर्ता लगिसकेका छन् । बंगलादेश, माल्दिम्भ र श्रींलकाले समेत नागरिकहरुलाई फिर्ता लगेका छन् ।