स्वास्थ्य

राष्ट्रपति ट्रम्पले निको हुने सम्भाबना ब्यक्त गरे लगत्तै लाइजोल कम्पनीले भन्यो; लाईजोल नखाऊ

न्युयोर्क      

लाइजोल र डिटोल जस्ता उत्पादक कम्पनीले आफ्ना उपभोक्तालाई कोरोना निको हुने भ्रममा यस्ता बस्तु नखानको लागि आग्रह गरेको छ । गत बिहीवार अमेरिकी राष्ट्रपती डोनाल्ड ट्रम्पले किटाणु निस्संक्रामक (डिस्ईन्फेक्ट्यान्ट) रसायनलाई इन्जेक्सन मार्फत पठाएर कोरोना संक्रमित बिरामीको उपचार गर्दा निको हुने सम्भावना ब्यक्त गरेका थिए ।

ब्रिटिश कम्पनी रेकिट बेनकाईसरले (आर बि) शुक्रबार यस्ता किटाणू निस्संक्रामक बस्तुको उपभोग मानबका लागि खतरा हुने बताएको हो ।  कम्पनीले बिज्ञप्तीमा भनेको छ; “आफू स्वास्थ र सफाई सम्बन्धि उत्पादनको ग्लोबल लिडर भएको नाताले हामीले प्रस्ट पार्नै पर्छ कि कुनै पनि अवस्थामा सर सफाईमा प्रयोग गरिने हाम्रा किटनासक उत्पादन मानब शरीरभित्र ईन्जेक्सन वा पाचन प्रणाली वा अरु कुनै माध्यम मार्फत पठाउनु हुँदैन । यो पूर्णतया हानिकारक छ । आर. बिको उक्त चेतावनिपूर्ण बिज्ञप्ती अमेरिकास्थित राष्ट्रपति ट्रम्पको बिहीवार कोरोना उपचारमा किटनाशक औषधि प्रयोग सम्बन्धि बिचार  सार्वजनिक भए लगत्तै आएको हो ।  अमेरिकामा गत मार्चमा राष्ट्रपति ट्रम्पको मलेरिया औषधीले कोरोना निको हुने बिचार सार्वजनिक भए लगत्तै आफू खुसी मलेरियाको औषधि प्रयोग गर्ने केही ब्यक्तीहरुको मृत्‍यु समेत भै सकेको छ ।