काठमाडौं । सामाजिक संजाल (फेसबुक, टुइटर, इन्स्टा, भाइबरलगायत) प्रयोग गरी अरुलाई सताउने बानी छ ? या त्यस्तो काम गर्नेहरुबाट तपाई पिडित हुनुहुन्छ ?

अब सामाजिक संजालबाट हुने सबै प्रकारका हानी नोक्सानीमा कारवाही हुने गरी कानून बन्ने भएको छ । प्रतिनिधिसभा, विकास तथा प्रविधि समिति अन्तर्गतको उपसमितिले सूचना प्रविधिसम्बन्धी विधेयकको प्रतिवेदन बहुमतबाट पारित गरेको छ ।

विधेयकमा कांग्रेस सांसद बहादुर सिंह लामा असहमति रहे । प्रतिवेदन अनुसार विद्युतीय प्रणालीको प्रयोग गरी अर्को व्यक्तिलाई हैरान बनाउने, जिस्क्याउने, होच्याउने, हतोत्साहीत गर्ने, अपमान गर्ने वा हप्काउने काम गर्यो भने त्यस्तो काम दण्डनीय हुने भएको छ ।

अब सामाजिक सञ्जाल नेपालमा दर्ता भएपछि मात्र देशभित्र आफ्नो सेवा प्रवाह गर्न सक्नेछ । सामाजिक संजालका माध्यमाट घृणा, द्वेष वा अपहेना उत्पन्न हुने काम गरेपनि कारबाहीको भागिदार हुने गरी कानून निर्माण गरिदैछ ।

उपसमितिले प्रतिवेदन पूर्ण समितिमा पठाउने तयारी गरेको छ ।