विपक्षी प्रमुख तीन दल सरकारविरुद्ध एकै स्थानमा
Vishwanews.com
27 April, 2020काठमाडौं । विपक्षमा रहेका प्रमुख ती दलले सरकारका पछिल्लो गतिविधि लोकतान्त्रिक विधि अनुसार नभएको भन्दै सरकार सर्वसत्तावादतर्फ अग्रसर भएको निष्कर्ष निकालेका छन् ।
ती दलले लोकतन्त्रवादी शक्तिलाई एकतावद्ध गरेर संघर्ष गर्ने प्रतिवद्धता समेत व्यक्त गरेका छन् ।
सोमबार कांग्रेस पार्टी कार्यालय सानेपामा कांग्रेस, जनता समाजवादी दल र राप्रपाका शीर्ष नेताको बैठक बसेको थियो ।
बैठकमा सरकारको स्वच्छाचारी र सर्वसत्तावादी रबैयाविरुद्ध एक भएर संघर्ष गर्ने सम्बन्धमा छलफल भएको बैठकपछि जारी विज्ञप्तीमा उल्लेख छ ।
तीन दल सरकारकै संलग्नतामा सांसद डा. सुरेन्द्र यादवको अपहरण भएको निष्कर्षमा समेत पुगेका छन् ।
यस्ता अपराधिक कार्यको बैठकले घोर भत्र्सना गर्ने र अपराधमा संलग्न व्यक्तिहरुलाई तत्काल कानूनी कारबाही अगाडि बढाउन समेत माग गरेको छ ।
बैठकमा नेताहरुले लकडाउनका कारण नेपाली अर्थतन्त्रमा परेको असर कम गर्न तत्काल राहत ठोस कार्ययोजना ल्याउन माग समेत सरकारसँग माग गरेका छन् ।
कोरोना भाइरसको यथार्थ स्थिति पत्ता लगाउन टेष्टमा असाधारण ढिलासुस्ती भएको भन्दै तीव्रता दिनसमेत तीन दलले माग गरेका छन् ।
