समाचार

जिपि फाउन्डेसनद्वारा न्युयोर्कमा पोषिलो खाद्य सामाग्री नि:शुल्क बितरण

न्युयोर्क अमेरिकाको न्युयोर्कस्थित गिरिजा प्रसाद कोइराला फाउण्डेशन अमेरिकाले कोरोना महामारीको कारण पोषणयुक्त खानाको अभाब भएकालाई नि:शुल्क खाद्य सामग्री वितरण गरेको छ । न्युयोर्क सहरको क्विन्सबोरो प्रेसिडेन्ट शारोन लिसँगको सहकार्यमा फाउण्डेशनले निशुल्क खाद्य सामाग्री वितरण गरेको हो । मे १३ बुधबार फाउन्डेसनले न्युयोर्क कुईन्सस्थित आफ्नै कार्यालय अगाडि खाद्य सामाग्री बितरण गरेको हो । फर्स्ट कम फर्स्टको  आधारमा १५० जनालाई ६ फीटको दुरीमा लामबद्ध गराएर खाध्य सामाग्री बितरण गरिएको संस्थाद्वारा जारी प्रेस बिज्ञप्तीमा जानाईएको छ । फाउन्डेसनले बितरण गरेको खाद्य सामाग्री बिभिन्न्न ७ फरक फरक समुदायका मानिसले लिएको समेत बिज्ञप्तीमा जनाईएको छ । निसुल्क खाद्य सामाग्री बितरण  कार्यक्रमको उद्घाटन संस्थाको अध्यक्ष सोमनाथ घिमिरेले निसुल्क खाद्य सामाग्रीको पहिलो बक्स हस्तान्तरण गरेर गरिएको थियो । खाध्य सामाग्री बितरणको साथमा एसेमब्ली मेम्बर माईकल डेनडेक्करद्वारा सहयोग प्राप्त २५ डलरको उबर ईटसका ५० वटा कुपन समेत                                                     बितरण गरिएको संस्थाले जनाएको छ ।  फाउण्डेशनको निशुल्क खाद्य सामग्री वितरण कार्यक्रममा संस्थाका उपाध्यक्ष सुवर्ण लामा,  सदस्य  छिरिङ्ग राप्के लामा,  सदस्यद्वय प्रेम पौडेल, सुर्य सीमखडा, कमला पन्त, नेजससअ-न्युयार्क का सचिव अनील पाण्डे र  प्रियंका थापा लगायतले स्वयम्सेवीको सकृया भूमिका निर्भाह गरेका थिए ।   यसै कार्यक्रममा घ्याल्सुम्दो सेवा संस्था अमेरिकाकी अध्यक्ष निमा ल्हमाे, युनाईटेड किराँत राई अर्गनाइजेसन अफ अमेरिका-न्युयोर्क च्याप्टरका अध्यक्ष केशव राम राई, नेपाल आदिवासी जनजाति महासंघ अमेरिकाकी काेषाध्यक्ष छाेन्जाेम लामा, नेवि सघं अमेरिकाका निवर्तमान संयोजक प्रभात सापकोटा लगायतको कार्यक्रममा उपस्थिति रहेको थियो ।  गीरिजा प्रसाद कोइराला फाउण्डेशन अमेरिकाले क्विन्सबोरो प्रेसिडेन्ट शारोन लि र एसेमब्ली मेम्बर माईकल डेनडेक्करलाई धन्यवाद एवम् हार्द्वीक आभार प्रकट गरेको छ ।