समाचार

कोरोनाबाट थप एक सैनिक जवानको मृत्यु, दुई पुगे ज्यान गुमाउने

vishwa-news

काठमाडौं । नेपालमा कोरोना भाइरसको संक्रमणबाट ज्यान गुमाउने सैनिकको संख्या २ पुगेको छ । शुक्रबार एक जना सैन्य जवानको कोरोनाकै कारण ज्यान गएको हो । बझाङ घर भई काठमाडौं उपत्यकामा कार्यरत उनको शुक्रबार वीरेन्द्र अस्पताल, छाउनीमा मृत्यु भएको हो । उनी असोज ६ मा छारे रोगको लक्षण देखिएपछि आईसीयूमा भर्ना भएको थिए ।

त्यसपछि उनमा कोरोना पुष्टी भएको थियो । यसअघि एक जना सैन्य जवानको कोरोनाका कारण ज्यान गइसकेको छ । जङ्ग्गी अड्डाले दिएको जानकारी अनुसार सेनामा हालसम्म २ हजार १९७ जनामा कोरोनाको संक्रमण पुष्टि भइसकेको छ । त्यसमध्ये ५३९ जनाले कोरोनालाई जित्न सफल भइसकेका छन् ।

ad-archer