विश्व

समर्थकलाई राष्ट्रपति ट्रम्पको सरप्राइज, अचानक दर्शन भेट

vishwa-news

वासिंगटन । अमेरिकी राष्ट्रपति डोनल्ड ट्रम्पले कोभिड१९ को उपचार गराइरहेका छन् । उनको स्वास्थ्य अवस्थाबारे संसारभरबाट तीव्र चासो व्यक्त भइरहेको छ । यकातर्फ शक्तिशाली मुलुकका राष्ट्रपति, अर्कोतर्फ कोरोनालाई हल्का भाइरसको संज्ञा दिने व्यक्ति र आगामी राष्ट्रपति चुनावका एक प्रतिस्पर्धाी भएका कारण पनि ट्रम्पको चासो हुनु स्वाभाविक थियो ।

यसै सन्दर्भमा ट्रम्पले आफ्ना समर्थकलाई सरप्राइज भेट दिएका छन् । उनी अस्पताल बाहिर उपस्थित समर्थकबीच मोटरमा घुम्दै गरेको अवस्थामा भेटिए । त्यसअघि उनले आफूले आश्चर्यजनक भ्रमण गर्ने भन्दै ट्वीट गरेका थिए । त्यसको केही बेरमै उनी कारभित्र मास्क लगाएर हात हल्लाउँदै निस्किएको बीबीसीले उल्लेख गरेको छ ।


यसअघि डाक्टरहरूले ट्रम्पको स्वास्थ्यमा सुधार भइरहेको र सम्भवतः सोमवार अस्पतालबाट डिस्चार्ज हुन सक्ने संकेत गरेका छन् । राष्ट्रपतिले अचानक समर्थकलाई दर्शन दिनुबाट आफु स्वस्थ रहेको सन्देश प्रवाह गर्नु पनि रहेको बताइएको छ । किनकी उनको स्वास्थ्य अवस्थालाई लिएर विभिन्न अड्कलबाजी गरिँदै आएको थियो ।

ad-archer