डायस्पोरा

नेपाली युवा खडग् पुलामी बोरो प्रेसिडेण्डद्वारा सम्मानित

vishwa-news

न्युयोर्क

नेपाली कला र संस्कृतिको प्रवर्धनमा निरन्तर योगदान पुर्‍याए बापत ब्रुक्लिन बोरो प्रेसिडेन्ट एरिक आडम्सले नेपाली समुदायका खडग् बहादुर पुलामी उर्फ 'बिक्की पुलामी' लाई सम्मान गरेको छ । 

न्युयोर्क क्वीन्सको ज्याक्सन हाईट्समा आयोजित एक कार्यक्रममा बिक्की पुलामीलाई बोरो प्रेसिडेण्ट आडम्सले निरन्तर सामाजिक सेवा गरेको भन्दै 'साइटेसन-पत्र' सहित सम्मान गरेको हो । 

पुलामी सन् २००५ देखि निरन्तर समाजिक गतिबिधिमा कृयाशिल रहदैं आएका छन् । पुलामी भन्छन्; "समाज-सेवा एक सचेत एवम् जिम्मेवार नागरिकले समाज र राष्ट्र प्रति व्यहोर्नु पर्ने महत्वपूर्ण उत्तरदायित्व हो" ।

उनले हालसम्म नेपालको बिभिन्न स्थानमा ७ वटा पुस्तकालयको निर्माण गरेका छन्

नेपाली समाज, कला र संस्कृतिसँग सधैव नजिक रहेर काम गर्दै आएका पुलामीले २ दर्जन भन्दा बढी म्युजिक भिडियोमा अभिनय गरेका छन् । नेपाली चलचित्र ‘जिन्दगी रक्स’ मा मुख्य खलपात्रको अभिनय गरेका उनले अमेरिकामा २ दर्जन भन्दा धेरै म्युजिक भिडियोको निर्देशन गरिसकेका छन् ।

मकै हाउस अनलाईन टिभीका संस्थापक बिक्की कार्यक्रम प्रस्तोता तथा शितोरियो कराते र तोंग ईल मो दोका डबल ब्ल्याक बेल्ट खेलाडी समेत हुन् । उनले हालसम्म नेपालको बिभिन्न स्थानमा ७ वटा पुस्तकालयको निर्माण गरेका छन् ।

बिगत दश बर्षदेखि नेपालको धरान, इटहरी, काठमाडौं, धनगढी, सर्लाहीलगायत विभिन्न स्थानमा 'स्वयंसेवाको माध्यमबाट नेतृत्व' नामक कार्यशाला गोष्ठी चलाई सकेका बिक्कीले कोरोना महामारीको समयमा Jersey City Helping Group for COVID 19 नामक समूहमार्फत जर्सी सिटी र आसपासको क्षेत्रमा बसोबास गर्ने २ सय परिवारलाई प्राथामिक उपचारको साधन वितरण गरेका थिए ।

ad-archer