फिचर

चक्रपथ बिस्तार आयोजनाले गति पाउने

vishwa-news
Photo : BBC

काठमाडौं । सरकारले चक्रपथ सुधार आयोजनाको दोस्रो चरणको कामलाई गति दिने भएको छ । आइतबार भौतिक पूर्वाधार तथा यातायात एवम् सहरी विकासमन्त्री वसन्तकुमार नेम्बाङले आयोजना गरेको सरोकारवालाको बैठकले यस्तो निर्णय गरेको हो । चक्रथप विस्तार अन्तर्गत अब कलंकी चावहिल खण्डमा काम भइरहेको छ ।

मन्त्रालयका अनुसार आयोजनामा पर्ने पोल स्थानान्तरण एक महिना भित्र स्थानान्तरण गरिने छ । तीन महिना भित्र ‘हाई भोल्टेज टावर’ स्थानान्तरण भइसक्ने भएका छन् । सडक सीमामा रहेका जग्गाको मूल्यांकन गर्ने कामलाई गति दिइने भएको छ ।

चक्रथप विस्तार अन्तर्गत कलंकी-चावहिल खण्डमा काम भइरहेको छ ।

३ महिना भित्र अनिवार्य रुपमा कारखाना चोक र सानोभर्याङ स्थित हाई भोल्टेज टावर स्थानान्तरण गरिसक्ने निर्णय आइतबार भएको हो । उता, स्वयम्भूस्थित चैत्य कार्तिक मसान्त भित्र हटाउन काठमाडौँ महानगरपालिकासँग समन्वय गर्ने र सडक विभाग, काठमाडौँ चक्रपथ सुधार योजनाबाट कार्तिक मसान्त भित्र नयाँ बसपार्कको आकाशे पुल भत्काउने कार्य सम्पन्न हुने गरी निर्णय गरिएको छ ।

जिल्ला प्रशासन कार्यालय, काठमाडौंले सम्बन्धित वडा कार्यालय र नगरपालिकासँग समन्वय गरी नारायणगोपाल चोक, महाराजगञ्जको २४४ मिटर सडक सीमामा रहेका जग्गाको मूल्यांकन कार्तिक मसान्तभित्र सम्पन्न गरिसक्ने भएको छ । यो आयोजनालाई चीनले सहयोग गरेको छ ।

ad-archer