काठमाडौं । हास्य कलाकार मनोज गजुरेललाई कोरोना भाइरसको संक्रमण पुष्टि भएको छ । उनी स्वयमले त्यसको पुष्टी गरेका हुन् । कोरोना संक्रमणसँग मिल्दोजुल्दो लक्षण देखिएको र स्वास्थ्य परीक्षणका क्रममा रिपोर्ट पोजेटिभ आएको उनले उल्लेख गरेका छन् । उनका अनुसार दाजुमा संक्रमण पुटी भएको थियो ।
दाजुलाई अस्पताल लैजाने–ल्याउने क्रममा आफुलाई कोरोना सरेको हुन सक्ने गजुरेलको भनाई छ । विहीबारदेखि सामान्य टाउको दुख्ने र ज्वरो आउने लक्षण देखिएको उनले जनाएका छन् । आफूमा गाह्रो हुने खालका लक्षण नदेखिएको र गत विहीबारदेखि नै आइसोलेसनमा उल्लेख गरेका छन् ।
