न्युयोर्क

नेपाली काँग्रेसको सहगोत्रीय सँस्था ‘नुवाकोट अमेरिका जनसम्पर्क समिति’ अमेरिकाको घोषणा-सभा यही डिसेम्बर ६ तारिख आइतबार हुने भएको छ । नेपाली कांग्रेसका प्रभावशाली नेताहरूको प्रमुख आतिथ्यमा हुने सभा कोरोना महामारीको कारण जुम मार्फत भर्चुअल्ली हुने सदस्य सचिव विज्ञान खनालले बताएका छन् ।

सभामा नेपाली कांग्रेसका नेताहरू क्रमश; अर्जुन नरसिंह केसी, डा. रामशरण महत, केंद्रीय सदस्य तथा सभासद बहादुर सिंह लामा तथा नेपाली कांग्रेस नुवाकोट जिल्ला पार्टी सभापति जगदीश्वर नरसिंह केसी लगायत जिल्लाका बिभिन्न तहका नेतागणहरूको उपस्थिति हुने जनाएका छन् ।

कार्यक्रमको सञ्चालन छनौट समितिले गर्ने छन् भने सभामा नै नुवाकोट अमेरिका जनसम्पर्क समितिको आधिकारिक घोषणा समेत हुनेछ । कार्यक्रमको प्रत्यक्ष प्रसारण विभिन्न विद्युतीय संचार माध्यायम मार्फत हुने जनाइएको छ ।

कार्यक्रमको मिति र समय;
Date : December 6, Sunday
Time : Nepal – 8 pm
New York – 9:15 am
Texas – 8:15 am
California – 6:15 am