डायस्पोरा

न्युयोर्कबाट परिवर्तनका संवाहक (चेन्ज मेकर) २०२० को घोषणा; को को चुनिए ?

न्युयोर्क

न्युयोर्कस्थित नेपालीजम डट कमले आरम्भको पहिलो वर्ष पुरा गरी दोश्रो वर्षमा प्रवेश गरेको अवसरमा ‘परिवर्तनका संवाहक-२०२०’ घोषणा गरेको छ ।

समाजमा योगदान पुर्याएका अथवा नेपालित्वलाई आफ्नो कर्म क्षेत्रबाट चिनाएका नेपाली अमेरिकन व्यक्ति र नेपाली संघसंस्थाहरुलाई सन् २०२० को ‘परिवर्तनका संवाहक’ (ChangeMakers) चुनेका छन् ।

वर्ष २०२० को सूचीमा कूल ८५ व्यक्तित्व र संघसंस्थालाई चुनेका छन् । जसमध्ये व्यक्तित्वहरू ६८ जना रहेका छन् । जसमा अमेरिकी १६ जना, महिला १५ जना, पुरुषहरू ५३ जना, अमेरिकी नेपाली ३८ जना, नेपाल फर्किएका ९ जना, नेपाली नागरिक १४ जना र मरणोपरान्त ४ जना छन्। त्यसैगरी, नेपाली अमेरिकी संघसंस्थाहरू १२ वटा र अमुक पौरखी पात्रहरु ५ समूहलाई पनि परिवर्तनका संवाहक सूचीमा समेटिएका छन् ।

अमेरिकामा अध्ययन र कर्म गरी मातृभूमी नेपाल फर्किएका कर्मवीर नेपालीहरु र नेपाल र नेपालीको निम्ति आफ्नो जीवन र कर्म समर्पण गरेका अमेरिकी नागरिक र संस्थाहरुलाई पनि ‘परिवर्तनका संवाहक’ बाट सम्मान गरिएको छ ।

‘परिवर्तनका संवाहक-२०२०’ सूचीमा पूर्व अमेरिकी राजदूत स्कट डेलिसी, सिएनएन हिरो २०१५ म्यागी डोयन, अमेरिकी प्रोफेसर टेड रिकार्डी (मरणोपरान्त), सिएनएन पूर्व समाचार वाचिका किरण क्षेत्री, डा. आन्ना स्टिर, जर्सी सिटी मेयर स्टेभन फुलप, अवैतनिक महावाणिज्यदूत मार्भिन ब्रस्टिन, अमेरिकाको लागि नेपाली राजदूत डा. अर्जुनकुमार कार्की, संरासं महिला आयोग उपाध्यक्ष वन्दना राणा, वरिष्ठ संगीतकार किशोर गुरूंग, पूर्व संरासं सहायक महासचिव कुलचन्द्र गौतम, संरासंका लागि नेपाली स्थाई प्रतिनिधि अमृतबहादुर राई, सामाजिक अभियन्ताहरू डा. महावीर पुन मगर र डा. विष्णुमाया परियार रहेका छन्।

त्यसैगरी, परिवर्तनका संवाहक सूचीमा म्यारिल्याण्ड राज्य सभासद ह्यारी भण्डारी, अवैतनिक महावाणिज्यदूत प्रेमराजा महत, राष्ट्रिय योजना आयोगका पूर्व उपाध्यक्ष डा. स्वर्णिम वाग्ले, पत्रकार रवि लामिछाने, डा. पुकार मल्ल, बनस्पतिविद डा. उत्तमबाबु श्रेष्ठ, अर्थविद डा. विष्णु पौडेल (मरणोपरान्त), अमेरिकी आईडल उपबिजेता दिवेश पोखरेल (आर्थर गन), ईण्डियन हेड सहरका उपमेयर किरण सिटौला, मदन पुरस्कार विजेता साहित्यकार निलम कार्की निहारिका, अनेसास संस्थापक अध्यक्ष हेमनाथ सुवेदी, हर्नडन सहरका काउन्सिल सदस्य प्रदिप ढकाल र डा. अम्बिका अधिकारी छन्।

त्यसैगरी, अमित शाह, न्यूयोर्क सिटी काउन्सिल सदस्य कोष्टा कोस्टान्टिडिनेस, जर्सी सिटी पूर्व काउन्सिल प्रेसिडेंट रोलाण्डो लाभारो, जर्सी सिटी काउन्सिल प्रेसिडेंट जोयस वाटरम्यान, अवैतनिक महावाणिज्यदूत न्यारी कारोल, पामेला रोस, कृसु क्षेत्री, प्रविन भट्टराई, अवैतनिक महावाणिज्यदूत रिचार्ड ब्लुम, जर्सी सिटी पूर्व काउन्सिल सदस्य माईल युन (मरणोपरान्त) न्यू योर्क सिटीका काउन्सिल सदस्य डानियल ड्रोम, टेकराज पौडेल, अवैतनिक महावाणिज्यदूत एसी शेर्पा, अजित शाह, अन्जन श्रेष्ठ, अर्जुनप्रशाद मैनाली, बिमल नेपाल, अशोक गुरूङ्, अवैतनिक महावाणिज्यदूत रिचार्ड ब्लुम, हरि शर्मा मुडभरी, दिवाकर महर्जन, कन्चन अमात्य, मोहन ज्ञवाली, प्रज्वल रत्न बज्राचार्य, सन्जिता प्रधान, शैलेस श्रेष्ठ, ऐश्वर्या शर्मा, अवैतनिक महावाणिज्यदूत विलियम क्यासेल, वंशलाल तामाङ् र सेरी वना ह्यान्डलिंगलाई पनि परिवर्तनका संवाहकमा चुनिएका छन् ।

त्यसैगरी, परिवर्तनका संवाहक सूचीमा समेटिका अन्य व्यक्तित्वहरूमा ग्रामी अवार्ड मनोनित बाँसुरीवादक मानोस सिं, कुर्टिस वाटर्स, सामाजिक अभियन्ता होमराज आचार्य, अवैतनिक महावाणिज्यदूत ऋषि ढकाल, डा. प्रह्लाद पन्त, जोली अमात्य, फेसन डिजाईनर प्रबल गुरूंग, उमा कार्की थापा, डा. सुकदेव शाह (मरणोपरान्त), समाजसेवी लिला राई, एनआरएन आईसिसी उपाध्यक्ष सोनाम लामा र उर्गेन शेर्पा आदि रहेका छन्।