फिचर

हिउँदे सिजनमा पहिलो पटक नेपाली आरोही केटुको शिखर पुगे

काठमाडौं । हिँउदे सिजनमा संसारको दोस्रो सर्वोच्च शिखर माउण्ट केटु आरोहण हुन सकेको थिएन । नेपालका १० जना पर्वतारोहीले शनिबार यो कीर्तिमान राखेका छन् । केटु पाकिस्तानमा पर्छ । यसअघि संसारको दोस्रो सर्वोच्च शिखरमा हालसम्म हिउँद याममा कोही पनि पुग्न नसकेको पर्यटन विभागले जनाएको छ ।

विभागकी निर्देशक मिरा आचार्यले नेपालीले टोलीले यो कीर्तिमान राखेको भन्दै बधाई दिएकी छिन् । आठ हजार मिटरभन्दा माथिका शिखरमध्ये यो हिमालमा मात्र हिउँदे सिजनमा आरोहण सम्भव भएको थिएन ।

नेपालका .निम्सदाइ पुर्जा, मिङ्मा जी शेर्पा, मिङ्मा डेभिड शेर्पा, मिङ्मा तेन्जी शेर्पा, गेल्जे शेर्पा, दावा तेम्बा शेर्पा, पेमछिरी शेर्पा, किलुपेम्बा शेर्पा, दावा तेन्जिङ शेर्पा र सोना शेर्पाले यो कीर्तिमान बनाएका हुन् ।

टोली शनिबार साँझ ५ः४५ मा ८ हजार ६११ मिटर अग्लो शिखरको चुचुरो पुगेको छ । दश आरोहीमध्ये मिङ्मा जी शेर्पा भने बीना अक्सिजन नै चुचुरो पुगेका छन् ।