काठमाडौं । स्टार स्ट्राइकर लियोनल मेसीले आफ्नो करियरको तेस्रो रेड कार्ड प्राप्त परेका छन् । स्पेनिस सुपर कपको फाइनलमा एथ्लेटिक बिल्बाओसँग भिड्ने क्रममा उनले रातो कार्ड पाएका हुने । त्यसपछि १० खेलाडीमा सिमित भएको बार्सिलोना पराजित हुँदै उपाधीबाट वन्चित भएको छ ।

आइतबार राति सम्पन्न फाइनलमा बार्सिलोनालाई अतिरिक्त समयमा ३-२ गोल अन्तरले पराजित गर्दै बिल्बाओ च्याम्पियन बनेको हो । निर्धारित समय २-२ गोलको बराबरीमा सकिएको थियो ।

अतिरिक्त समयमा इनाकी विलियम्सले निर्णायक गोल गरे । बिल्बाओका भिलालिब्रामाथि फाउल गरेपछि मेस्सीलाई रातो कार्ड देखाइएको हो । त्यसअघि ग्रीजम्यानले ४० औं मिनेटमा गोल गर्दै बार्सिलोनालाई अग्रता दिलाए ।

४२ औं मिनेटमा ओस्कार डी मार्कोसले गोल गर्दै बिल्बाओलाई १-१ गोलको बराबरीमा ल्याए ।

खेलको ७७ औं मिनेटमा ग्रीजम्यानले व्यक्तिगत दोस्रो गोल गर्दै बार्सिलोनालाई पुनः अग्रता दिलाए । खेलको ९० औं मिनेटमा इजर भिलालिब्राले गोल गर्दै बिल्बाओलाई २-२ को बराबरीमा पुर्याएका थिए ।