नेपाली आधुनिक संगीतको मुख्य वजन त्यसका शब्दहरु हुन् । त्यस्तै वजनदार शब्द एवम् मनको बोली मसीमा व्यक्त गर्न माहिर गीतकार राखी गौचनद्वारा रचित नयाँ गीत “हे मन” डश म्युजिकको आधिकारिक च्यानल मार्फत भिडियो सहित सार्वजनिक भएको छ ।
गायक तथा संगीतकार शंकर थापा ‘स्माइल’को सुमधुर स्वरमा रहेको गीतको म्युजिक भिडियो डिजिटल बजारमा आएको हो । सेण्टिमेण्टल भर्सनको यस गीतमा स्वयम गायक थापाले नै संगीतवद्द गरेका छन् भने विश्व अधिकारीको संगीत संयोजन रहेको छ।
राखी गौचनको ‘हे मन…’
निर्देशक मुनाल शिशिर कोइरालाको निर्देशनमा तयार पारिएको भिडियोमा पत्नी वियोगको कथा प्रस्तुत गरिएको छ। भिडियोमा सुधिर श्रेष्ठ, सिर्जना जीसी र प्रनिमा दाहालको जिवन्त अभिनय देख्न सकिन्छ। उत्सव दाहालले छायांकन गरेको यस भिडियोमा शिलन लम्सालको सम्पादन रहेको छ।
