विश्व

नग्न फोटो सूट गरेपछि दुबईमा एक दर्जन महिला गिरफ्तार

photo: Telegram

दुबई । दुबईमा एक घरको बाल्कनीमा नग्न फोटो सूट गरेका कम्तिमा एक दर्जन महिला गिरफ्तारीमा परेका छन । शरीया कानून लागु हुने दुबईमा नग्नता प्रदर्शनलाई अपराध सरह मानिन्छ । एक समुहले बालकनीमा नग्न फोटोसूट गरेको फोटो तथा भिडियो सार्वजनिक भएको थियो । यो समुह युक्रेनी महिलाहरुको रहेको बताइएको छ ।

भिडियो शनिबार नै अनलाइनमा पोष्ट भएको थियो । बीबीसीका अनुसार यूक्रेनी वाणिज्य दूतावासले ११ जना युक्रेनी नागरिक गिरफ्तारीमा परेको पुष्टी गरेको छ । उता, रूसले समेत आफ्नो एक जना जना नागरिक गिरफ्तारीमा परेको पुष्टी गरेको छ । दुबईमा सार्वजनिक नग्नता प्रदर्शनको अभियोगमा कम्तिमा ६ महिना जेल र ५ हजार दिराम जरिवाना हुने प्रावधान रहेको छ ।

त्यसो त दुबईमा यस प्रकारको घटना घटेको पहिलो पटक भने होइन । दुबईमा विदेशीहरुबाट हुने उच्छृंखल गतिविधिमाथि यसअघि पनि कारवाही भइसकेको छ । बीबीसीका अनुसार शनिबार सार्वजनिक भएको पोष्ट अनुसार एक दर्जन महिला दुबईको मरीना इलाकामा बालकनीमा नग्न फोटो सूट गरिरहेका थिए । यूएईमा रहने पर्यटकले उक्त मुलुकको कानूनको पालना गर्नुपर्छ ।