समाचार

घट्यो अर्बपति विनोद चौधरीको सम्पत्ति

काठमाडौं । फोर्ब्सको अर्बपति सूचीमा रहेका एक मात्र नेपाली विनोद चौधरीको सम्पत्ति घटेको छ । फोर्ब्सले सार्वजनिक गरेको धनाढ्यको सूचीमा चौधरीको स्थान २१४१ स्थानमा पुगेको छ ।

अघिल्लो वर्ष उनको स्थान १५१३ औं रहेको थियो । यो वर्ष उनको सम्पत्ति १.४ अर्ब अमेरिकी डलर रहेको देखिएको छ । सन् २०१९ मा उनको सम्पत्ति बढेर १.७ अर्ब डलर रहेको थियो ।

कोरोना महामारीका बीचमा त्यसपछि भने उनको सम्पत्तिमा ह्रास आएको देखिएको छ । उनी सन् २०१३ देखि फोर्ब्सको सूचीमा अट्न थालेका हुन् । त्यसबेला उनको सम्पत्ति एक अर्ब अमेरिकी डलर रहेको थियो।


चौधरी सिजी कर्प ग्लोबलका सञ्‍चालक हुन् । नेपालको नम्बर वान नबिल बैंकमा उनको लगानी रहेको छ । सिजी फुडबाट समेत उनले आफ्नो पहिचान स्थापित गरेका छन् ।