काठमाडौं । च्याम्पियन्स लिगको क्वाटरफाइनल अन्तर्गत दुई बलियो प्रतिद्धन्द्धी पिएसजी र बायर्न म्युनिख बीचको खेलमा पिएसजीले बाजी मारेको छ । बुधबार रातिको खेलमा पीएसजीले च्याम्पियन्स लिगको क्वाटरफाइनल अन्तर्गत पहिलो लेगमा बायर्नलाई उसकै मैदानमा ३-२ गोलले हराएको हो ।
पीएसजीको जितमा केलियन एम्बाप्पेले दुई तथा मर्कुइनोसले एक गोल गरेका छन् । बायर्नका लागि मोटिस र मुलरले एक\एक गोल गरेका थिए । तर, त्यो बराबरी वा जितका लागि पर्याप्त भएन । अब दोस्रो लेगमा पिएसजीको सेमीफाइनल प्रवेशको सम्भावना समेत बलियो भएको छ ।
