काठमाडौं । सरकारले नेपालमा तत्काल लकडाउन वा कुनै क्षेत्र बन्द नगर्ने भएको छ । तर, कोरोना भाइरसको रोकथाम तथा नियन्त्रणका लागि जनस्वास्थ्यका मापदण्डहरुमा भने कडाई गर्ने भएको छ । सोमबार साँझ बसेको मन्त्रिपरिषद बैठकले नेपालमा कोरोना भाइरसको दोस्रो लहर फैलिँन नदिँन जनस्वास्थ्यका नयाँ मापदण्ड जारी गर्ने निर्णय गरेको नेपाली संचारमाध्यमले जनाएका छन् ।

यसअघि कम्तिमा विद्यालयहरु बन्द गर्नुपर्ने सिफारिस कोभिड संकट व्यवस्थापन केन्द्र (सीसीएमसी)ले गरेको थियो । तर, सरोकारवालाले तत्काल विद्यालय समेत बन्द गर्नुपर्ने अवस्था नरहेको सुभाव दिएका छन् । नयाँ प्रजाति कोरोनाको जोखिम बढ्न नदिँन पहिलो चरणमा नयाँ मापदण्डको बारेमा जनतालाई सार्वजनिक रुपमा अपिल गरिने भएको छ ।

आज उपप्रधानमन्त्री एवं सीसीएमसी संयोजक इश्वर पोखरेलले सरकारका तर्फबाट सार्वजनिक संचारमाध्यममार्फत देशबासीलाई मापदण्ड बारे जानकारी गराउने भएका छन् । सरकारले सार्वजनिक स्थलमा भिडभाड नगर्न, मास्कको अनिवार्य प्रयाग गर्न भनेको छ ।