मनोरञ्जन

आज नयाँ साल २०७८ को पहिलो दिन, कोरोनाको संकट हट्ने अपेक्षा

THT

काठमाडौं । आजबाट बिक्रम संवत् २०७८ साल शुरु भएको छ । नयाँ वर्षको आज पहिलो दिन, सरकारले देशभर सार्वजनिक बिदा दिएको छ । वैशाख १ गतेलाई नेपालीले एकापसमा शुभकामना आदानप्रदान गरी मनाउने गर्छन् । यो वर्ष धेरैले कोरोना महामारीको संकट हट्ने र मानिसका लागि सहज दिनहरु आउने अपेक्षा गरेका छन् । गत वर्ष धेरैका लागि अविश्मरणीय रहेको थियो ।

कति मानिसले आफन्त गुमाएका थिए, कति मानिसको रोजगारी गुमेका थियो, नयाँ साल त्यस्तो नहोस भन्ने शुभकामना सामाजिक संजालमा पोखिएको पाइन्छ । गत वर्ष बन्दाबन्दीले नेपालीहरुलाई घर बाहिर जान बन्देज थियो । यो वर्ष भने खुला छ । सोहीकारण आन्तरिक गन्तब्यमा भरिभराउ यात्रु रहेका छन् । आज पोखरा, सौराहा, धुलिखेल, नगरकोटलगायत गन्तब्यमा लाखौं आन्तरिक पर्यटक पुग्ने गर्छन् । नयाँ वर्षको पहिलो दिन मन्दिरमा पूजाआजामा गएर भगवानसँग प्रार्थना गर्नेहरु समेत उत्तिकै हुन्छन् ।