काठमाडौं । प्रधानमन्त्री केपी शर्मा ओलीले आगामी आर्थिक वर्षको बजेटले वृद्धभत्ता बढाउने पुनः दोहोर्याएका छन् । सम्भवतः आगामी वर्ष मुलुकका निर्वाचन हुने छ । नयाँ वर्षको अवसरमा देशबासीलाई सम्बोधन गर्दै उनले
तत्काल लकडाउन भने नहुने स्पष्ट पारेका छन् ।

सरकार लकडाउनको पक्षमा नरहेको भन्दै स्वास्थ्य सुरक्षाका मापदण्ड भने अनिवार्य रुपमा पालना गर्न आह्वान गरे । अब मुलुकमा लकडाउन भए त्यो अर्थतन्त्रका लागि घातक हुने चेतावनी विज्ञहरुले दिएका छन् । तर, स्वास्थ्य जोखिम भने झन बढ्दै गएको छ ।

प्रधानमन्त्री केपी शर्मा ओलीले प्रतिकूलता परिस्थितिका बीच पनि सरकारले असाधारण काम गरेको भन्दै आफ्नो सरकारको बचाउ समेत गरेका छन् । केही भएन भनी जनतामा निराशा बढाउने काम गरिएको उनको आरोप छ । उनले प्रतिदिनमा पाँच किलोमिटर भन्दा बढी बाटो निर्माण गरिरहेको विषय पुनः दोहोर्याए ।