न्युयोर्क

अमेरिकामा भ्याक्सिनको डोज पुरा गरेका मानिसहरुले मुखमा मास्क बिना नै घर बाहिरका सबै कृयाकलाप गर्न पाउने भएका छन् । मंगलबार सेन्टर फर डिजिज कन्ट्रोलले उक्त निर्णय सार्वजनिक गरेको हो । सि डि सिको नयाँ नियमपछि अब अमेरिकामा दोश्रो डोज भ्याक्सिन लिएको दुई हप्तापछि त्यस्ता ब्यक्तिहरु घर बाहिर हुने स-साना समुहको जमघट तथा भेटघाटमा बिना मास्क सहभागी हुन पाउने छन् । गर्मीयाम सुरु हुँदै गर्दा अब वकिङ् हाईकिङ साईकिलिङ् रनिङ् आदिको लागि मास्कको प्रयोग गर्नु नपर्ने भएको छ ।
अमेरिकामा हालसम्म २३ करोड १० लाख मानिसले पहिलो डोज भ्याक्सिन लिईसकेका छन् भने ९ करोड ५९ लाखले दोस्रो डोज पनि प्राप्त गरिसकेका छन् ।
दोश्रो डोज प्राप्त गर्नेहरुको यो संख्या कुल जनसंख्याको झन्डै ३० प्रतिशत हो ।