काठमाडौं\एजेन्सी । अफ्रिकी मुलुक मालिकी एक महिलाबाट एकैपटक ९ बच्चा जन्मिएका छन् । अन्तर्राष्ट्रिय संचारमाध्यमहरुका अनुसार मालीको स्वास्थ्य मन्त्रालयले यसको पुष्टी गरेको छ । महिला वर्षीया हुन् ।

मंगलबार मालीकी स्वास्थ्य तथा सामाजिक विकास मन्त्री डा. फान्ता सिबेले मोरोक्कोको एक अस्पतालमा हालिमा सिसे नामम महिलाको कोखबाट पाँच छोरी र चार छोराको जन्म भएको पुष्टी गरकी छिन् । उनको अपरेशन गरी बच्चालाई जन्म दिइएको हो । मालिमा धेरै बच्चा भएको महिलाबाट सुरक्षित प्रसुती गराउने विशेषज्ञताको अभाव भएपछि उनलाई सरकारले खर्च बेहोर्ने गरि मोरक्को पठाइएको थियो ।

मन्त्रालयका अनुसार जन्मिएका सबै शिशु र आमाको स्वास्थ्य अवस्था राम्रो रहेको छ । उनीहरूलाई केही समय अस्पतालमै राखिने छ । त्यसपछि घर फर्काइने छ । यो दुर्लभ घटना भएको बताइएको छ । समाचारमा यी बच्चालाई सुरक्षित बचाउनु चूनौतिपूर्ण रहेपनि चिकित्सकले प्रयास गरिरहेको बताइएको छ ।