स्वास्थ्य

कोरोना उपचारमा चर्को शूल्क असुल्ने निजी अस्पतालसँग प्रशासनले माग्यो स्पष्टिकरण

काठमाडौं । काठमाडौंका ठूला निजी अस्पतालले कोरोना संक्रमितसँग चर्को शुल्क लिएको मूल्य सूची सार्वजनिक भएपछि काठमाडौं जिल्ला प्रशासन कार्यालयले स्पष्टिकरण सोधेको छ । काठमाडौं जिल्ला प्रशासन कार्यालयले ह्याम्स अस्पताल र काठमाडौं मेडिकल कलेज (केएमसी) अस्पतालसँग स्पष्टीकरण सोधेको छ ।

अस्पतालले कोरोना उपचारमा चर्को मूल्य लिने गरेको खुलेको छ । यसको आलोचना भएको छ । अर्कोतर्फ सरकारले समेत मूल्य नियन्त्रण गर्न नसकेको भन्दै आलोचना शुरु भएपछि प्रशासनले एक्सन लिएको हो । प्रशासनले बुधबार स्पष्टीकरण सोधिएको हो ।

स्वास्थ्य तथा जनसंख्या मन्त्रालयले समेत बुधबार एक सूचना जारी गरि तोकिएको उपचार शुल्कभन्दा बढी लिए कडा कारबाही गर्ने चेतावनी दिएको छ। तोकेको शुल्क भन्दा बढी लिएमा मन्त्रालय र स्थानीय प्रशासनहरूमा जानकारी गराउन सहप्रवक्ता डा. समीरमणी अधिकारीले आग्रह गरेका छन् ।