फिचर

दोलखा भीमसेन मन्दिरमा आयो पसिना

दोलखा । दोलखाको भीमेश्वर मन्दिरका देवता भीमसेनलाई पसिना आएको छ। भीमसेनमा पसिना आउँदा देशमा कुनै शुभ वा अशुभ हुने धार्मिक विश्वास रहेको छ । एक शिला तीन अवतारको रुपमा भीमसेनलाई पुज्ने गरिएको छ । यसअघि २०७७ मंसिर ९ गते र २०७६ फागुन ८ गते भीमसेन सीलामा पसिना आएको थियो। गत वर्ष सवा घण्टासम्म पसिना आएको थियो । यसपछि मुलुकमा कोरोना महामारी फैलिएको विश्वास गरिएको छ ।

शनिबार मध्यान्ह सवा १२ बजेबाट पसिना आउन थालेको हो । भीमेश्वरमा पसिना आए पछि मन्दिर व्यवस्थापन तथा गुठियारले आजै क्षमा पूजा गरेका छन्। थप क्षमा पूजाको लागि शिलामा आएको पसिना पुछेको रुवा जिल्ला प्रशासन कार्यालयको रोहवरमा गृहमन्त्रालयमार्फत राष्ट्रपतिको कार्यालयमा पुर्‍याउने व्यवस्था छ । नेपालमा ठूल्ठूला परिवर्तन र राजाहरुको वंश नास हुने समयमा पसिना आएको थियो ।