काठमाडौं । प्रतिनिधिसभाका १८ जना सांसदलाई कोरोना पुष्टी भएको छ । २७ वैशाखका लागि बोलाइएको संसदको विशेष बैठक अगाडी सांसदहरुको पीसीआर परीक्षण गरिएको थियो । त्यसक्रममा १८ प्रतिनिधिसभा सांसद र एक राष्ट्रिय सभा सांसदलाई कोरोना पुष्टी भएको संसद सचिवालयले जनाएको छ । सचिवालयले वैशाख २२,२३ र २४ गते गरिएको पीसीआर परीक्षण गरेको हो ।

संघीय सांसद, संसद सचिवालयका कर्मचारी तथा संसदीय मामिला पत्रकारलगायत १ हजार २३५ जनाको पीसीआर परीक्षण गर्दा १६० जनामा पोजेटिभ पुष्टी भएको समेत सचिवालयले जनाएको छ । कोरोना संक्रमण देखिएका अन्य १४१ जना संघीय संसद सचिवालयका कर्मचारी, मर्यादापालक, स्वकीय सचिव, सुरक्षाकर्मी, संसदीय मामिला पत्रकार तथा अन्तर्राष्ट्रिय सम्मेलन केन्द्रका कर्मचारी रहेका छन् ।

यो पटक कोरोना परीक्षण गर्नु अगाडी नै ८ जना सांसदमा कोरोना पुष्टी भएको थियो । अब कुल संक्रमित सांसदको संख्या भने २६ पुगेको छ ।