काठमाडौं । नेकपा एमाले भित्र माधवकुमार नेपाल समूहले प्रधानमन्त्री तथा अध्यक्ष केपी शर्मा ओलीलाई दिएका शर्त नमाने पार्टी फुट्ने निश्चित भएको छ । प्रधानमन्त्रीलाई पार्टी २ जेठ २०७५ मै फर्कनु पर्ने र त्यसयता भएका सबै निर्णय मान्य नहुने शर्त राखेको छ । त्यो अवस्था माओवादी केन्द्रसँग पार्टी एकता हुनुभन्दा अगाडीको हो ।

अदालतको आदेशपछि माओवादी र एमाले बीचका एकता भंग भएसँगै ओलीले नेपाल पक्षका नेताहरुलाई अपमानजनक ढंगले कारवाही गरेका थिए । ओलीले शर्त नमाने २७ वैशाख अगाडी नै एमालेका सांसदको राजिनामा आउने छ ।

अर्थातः आज साँझसम्म नै एमालेका प्रत्यक्षबाट निर्वाचित सांसदल राजिनामा गर्र्नेछन् । शनिवार साँझ बसेको नेपाल समूहका सांसदहरुको बैठकले आइतबार साँझसम्म पनि ओलीले शर्त नमाने राजिनामा गर्ने निर्णय गरेको हो । प्रधानमन्त्रीले २७ वैशाखमा विश्वासको मत लिन ससद्को विशेष अधिवेशन बोलाएका छन् ।

विश्वासको मत पाउन ओलीले अहिले माधव नेपाल पक्षका नेतासँग नरम रुपमा प्रस्तुत भएका छन् । विश्वासको मत पाएपछि कारवाही गर्ने कारवाही गर्ने ओली प्रवृत्ति बुझेका नेताहरु यसपटक भने नझुक्किने भएका हुन् ।