काठमाडौं । हङकङकी आरोही साङ यी हङका नाममा सगरमाथामा सबैभन्दा छिटो आरोहण गर्ने महिला आरोहीको कीर्तिमान कायम भएको छ । यसअघि यो कीर्तिमान नेपालकी फुन्जो झ्याङ्मु लामाको नाममा थियो । हङकङ ती आरोही शनिबार दिउँसो १ बजेर २० मिनेटमा सगरमाथाको आधार शिविरबाट हिँडेकी थिइन् । उनी उनी आइतबार दिउँसो ३ बजेर १० मिनेटमा चुचुरो पुगेको आधार शिविरमा खटिएका सम्पर्क अधिकृतले पुष्टी गरेका छन् ।

उनले २५ घण्टा ५० मिनेटमा चुचुरो पुगेको बताइएको छ । नेपालकी लामाले १५ मे २०१८ मा ३९ घण्टा ६ मिनेटमा सगरमाथा चढेर छिटो चढ्ने महिलाको कीर्तिमान राखेकी हुन् । पुरुषतर्फ भने पेम्बा दोर्जे शेर्पाले सन् २००४ मा राखेको ८ घण्टा १० मिनेटको रेकर्ड बताएका थिए ।