मुम्बई । बलिउड अभिनेत्री शिल्पा शेट्टीका पति तथा बिजनेसम्यान राज कुन्द्रा पक्राउ परेका छन् । मुम्बईको क्राइम ब्रान्चले उनलाई सोमवार राती गिरफ्तार गरेको हो । यो वर्षको फेब्रुअरी महिनामा पोर्नोग्राफिक सामग्री बनाएर त्यसलाई एप्समा सार्वजनिक गरेको आरोप उनीमाथि लागेको छ । प्रहरीका अनुसार यो काममा मूख्य योजनाकार कुन्द्रा थिए ।

यो आरोपमा यसअघि ४ जना पक्राउ परिसकेका छन् । उनीहरुको बयानकै आधारमा राज कुन्द्राको असली अनुहार बाहिरिएको हो । प्रहरीका अनुसार मुम्बईमा रंगिन फिल्मी दुनियाँमा आउन चाहने सोझासिधा युवतीलाई ललाईफकाई गरि प्रलोभनमा पारि यस्तो फिल्ममा खेल्न बाध्य पार्ने गरिएको थियो । यसलाई एप्समा राखेर त्यसमार्फत लाखौं कमाई गर्ने धन्धाको मास्टरमाइण्डका रुपमा राज कुन्द्राले काम गरिरहेका थिए ।